ලේඛක අනුර බී. සෙනෙවිරත්න මහතාගේ "ගහකටත් වරිපනම් අංකයක්" කෘතිය සම්බන්ධයෙන් ශ්‍රී ලංකා පුවත්පත් මණ්ඩලය සංවිධාන කළ සන්නිවේදන කතිකාව මණ්ඩල පරිශ්‍රයේදී 2022.11.09 වැනිදා සාර්ථකව පැවැත්වුණි. සම්මානිත මහාචාර්ය සුනන්ද මහේන්ද්‍ර, විපුල හේවා වලිමුනි, සුජීවා නිරංජනී රත්නායක හා සුනිලා විජේසිංහ යන මහත්ම මහත්මීහු මෙම වැඩසටහනේ සම්පත්දායකයින් ලෙස සහභාගි වූහ. මාධ්‍යවේදී ගාමීණී කන්දෙපොළ මහතා විසින් සම්බන්ධීකරණය කළ මෙම කතිකාවට ශ්‍රී ලංකා පුවත්පත් මණ්ඩලයේ පුවත්පත් කොමසාරිස් නිරෝෂණ තඹවිට මහතා ඇතුළු විශාල පිරිසක් සහභාගි වී සිටියහ.
සම්පූර්ණ වැඩසටහන නැරඹීමට: https://www.youtube.com/watch?v=iHnZsFYk_40

ශ්රී ලංකා පුවත්පත් මණ්ඩලය විසින් සාහිත්ය කලාව ,රසවින්දනය පුළුල් කිරීම සහ යහපත් මාධ්‍ය සංස්කෘතියක් ප්‍රචලිත කිරීමේ අභිලාෂයෙන් පවත්වනු ලබන සන්නිවේදන කතිකාවතේ මේ වසරේ පළමු වැඩසටහන 2020 පෙබරවාරි මස 03 දින ශ්රී ලංකා පුවත්පත් මණ්ඩල ශ්රවණා ගාරයේදී පවත්වන ලදී. දිවයිනේ පැතිර යන covid - 19 වසංගත තත්වය හමුවේ මහජන එකරාශීවීම් අවම කළයුතු බැවින් ZOOM තාක්ෂණය යොදාගනිමින් වැඩසටහන පැවැත්වීමට කටයුතු යොදා තිබිණි

"කොවිඩ් වසංගතය හමුවේ සාහිත්ය කලාවේ භුමිකාව " මැයින් මෙවර සංවාදය පැවැත්විණි . මෙම අවස්ථාව සඳහා ප්රවීණ රචක චම්මින්ද වෙලගෙදර මහතා සහභාගී වූ අතර වැඩසටහන මෙහෙයවන ලද්දේ මාධ්යවේදී ගාමිණි කන්දෙපොල මහතා විසිනි. මෙම වැඩසටහන සඳහා උනන්දුවක් දක්වන පිරිසට Zoom තාක්ෂණය ඔස්සේ සහභාගී වීමට ද අවස්ථාව සැලසිණ. පුරා පැය දෙකකට ආසන්න කාලයක් පැවති සංවාදශීලී කතිකාවත අවසන් වූයේ තවත් දෙසතියකින් හමුවීමේ බලාපොරොත්තුව ද සහිතවය. Zoom තාක්ෂණය ඔස්සේ පැවති මෙම සන්නිවේදන කතිකාවත වැඩසටහනට සහභාගී වූ සියල්ලන්ටම ශ්‍රී ලංකා පුවත්පත් මණ්ඩලයේ ස්තුතිය පුද කර සිටිමු .

ශී‍්‍ර ලංකා පුවත්පත් මණ්ඩලය මගින් සංවිධානය කරන සන්නිවේදන කතිකාවත වැඩසටහනේ තවත් එක් සාර්ථක වැඩසටහනක් 2020.01.13 දින පැවැත්විණ. ආචාර්ය කාලිංග සෙනෙවිරත්න විසින් රචනා කළ "Myth of Free Media and Fake News in the Post Truth Era" ග‍්‍රන්ථය මෙහිදී විචාරයට ලක් වූ අතර විද්වතත්හු රැසක් මෙම අවස්ථාවට සහභාගි වූහ.

{gallery}MYTH OF FREE MEDIA AND FAKE NEWS{/gallery}

සංගීතවේදී ජයන්ත අරවින්ද මහතාගේ නිර්මාණ පිළිබඳ විමර්ශන ඇතුළත්ව මෙවර සන්නිවේදන කතිකාවත වැඩසටහන පැවැත්වීමට කටයුතු යොදා තිබිණ . මෙම වැඩසටහ 2020 සැප්තැම්බර් මස 29 වනදා ශ්‍රී ලංකා පුවත්පත් මණ්ඩල ශ්‍රවණාගාරයේදී පුරා පැය දෙකක පමණ කාලයක් පැවැත්වුණු අතර එය ගීත හා සංවාද වලින් රසවත් විය. මෙහිදී ඔහු විසින් සංගීතය සපයන ලද නාට්‍ය ගීත ගණනාවක්ම විචාරයට හා රසවින්දනයට ලක්විය.

ලංකා පුවත්පත් මණ්ඩලය මගින් මෙහෙයවන සන්නිවේදන කතිකාවතේ තවත් එක් සාර්ථක වැඩසටහනක් පසුගියදා ( 2019.12.10) දින පුවත්පත් මණ්ඩල ශ‍්‍රවනාගාරයේදී පැවැත්විණි. භාරතීය ජනපි‍්‍රය ගායිකාවක් වූ ලතා මංගේෂ්කාර් ගායනා කළ ගී රසවින්දනයට හා විචාරයට ලක් වූ අතර විද්වතුන් රැසක් මෙයට සහභාගි විය.

ශ්‍රී ලංකා පුවත්පත් මණ්ඩලය සංවිධාන කළ "වාසනා දිනේකි මේක" - නාඩගම් හා නූර්ති ගීත පිළිබඳ රසවින්දන වැඩසටහන මණ්ඩල පරිශ්‍රයේදී ඊයේ පැවැත්වුණි. නාඩගම් හා නූර්ති පිළිබඳ විශේෂඥ දැනුමක් සහිත ප්‍රවීණ සංගීතවේදී ලයනල් ගුණතිලක හා පැරණි චිත්‍රපට ගීත රසික සමාජයේ සභාපති ප්‍රියන්ත ගමගේ යන මහත්වරුන්ගේ සම්පත්දායකත්වයෙන් පැවති මෙම වැඩසටහන සම්බන්ධීකරණය කරමින් ඉදිරිපත් කරනු ලැබුවේ මාධ්‍යවේදී ගාමිණී කන්දෙපොළ මහතා විසිනි.

ශ්‍රී ලංකා පුවත්පත් මණ්ඩලයේ නවතම ප්‍රකාශනය වන "මාධ්‍ය සමීක්ෂා - iv" කෘතිය පුවත්පත් කොමසාරිස් නිරෝෂණ තඹවිට හා සහකාර පුවත්පත් කොමසාරිස්වරුන් වන සුරෝෂන ඉරංග හා දිල්හානි විජේරත්න යන මහත්ම මහත්මීන් අතින් ලයනල් ගුණතිලක හා ප්‍රියන්ත ගමගේ යන මහත්වරුන්ට මෙහිදී පිරිනැමිණ.

ප්‍රවීණ රංගන ශිල්පී උදේනි චන්ද්‍රසිරි, ප්‍රවීණ සංගීතවේදී ජයන්ත අරවින්ද හා හිටපු සංස්කෘතික අධ්‍යක්ෂ ලීල් ගුණසේකර යන මහත්වරු ඇතුළු විශාල පිරිසක් මෙම වැඩසටහනට සහභාගි වී සිටියහ. 

මෙම සම්පූර්ණ වැඩසටහන https://youtu.be/XUtPWefP5z8 ඔස්සේ නැරඹිය හැකිය.

ශ්‍රී ලංකා පුවත්පත් මණ්ඩලය මගින් සංවිධානය කරන සන්නිවේදන කතිකාවත වැඩසටහනේ තවත් එක් සාර්ථක වැඩසටහනක් 2020.09.14 දින පැවැත්විණ. කෙටි චිත්‍රපටි පිළිබඳව, පැවත්වූ මෙම සංවාදය සඳහා බඳුන් වූයේ උපාලි නිමල් අධ්‍යක්ෂණය කළ "වින්දිතයෝ "ගයාන් ප්‍රනාන්දු අධ්‍යක්ෂණය කළ"අදුරු වළාකුලු " හා රුවන් පතිරණ අධ්‍යක්ෂණය කළ "ගිණි" යන කෙටි චිත්‍රපටයි. මෙම අවස්ථාව සඳහා විචාරක භූපති නලීන් වික්‍රමගේ සහ විදර්ශන කන්නන්ගර ඇතුලු විද්වතුන් රැසක් සහභාගි වූ අතර වැඩසටහන ඉතා සාර්ථක ලෙස පවත්වන ලදි.

ශී‍්‍ර ලංකා පුවත්පත් මණ්ඩලය මගින් සංවිධානය කරනු ලබන සන්නිවේදන කථිකාවත වැඩසටහනේ තවත් එක් සාර්ථක වැඩසටහනක් 2019. 11. 26 දින ශී‍්‍ර ලංකා පුවත්පත් මණ්ඩල ශ‍්‍රවනාගාරයේදී පැවැත්විණ. මෙහිදී මහින්ද ප‍්‍රසාද් මස්ඉඹුල මහතා විසින් කාව්‍ය විචාර ග‍්‍රන්ථ 3 ක් පිළිබඳව සාකාච්චාවට බඳුන් කරන ලදි.

ශ්‍රී ලංකා පුවත්පත් මණ්ඩලය විසින් සංවිධානය කරන සන්නිවේදන කතිකාවත වැඩසටහනේ Zoom තාක්ෂණය ඔස්සේ පැවැත්වු සිව්වන වැඩසටහන 2021 මාර්තු 31 වනදා පැවැත්වීය. "කවිය සහ සමාජ මාධ්‍ය " නම්වූ මෙම වැඩසටහන පැවැත්වුයේ රාජ්‍ය සම්මානලාභී කිවියර සුනන්ද කරුණාරත්න ඇතුළු ප්‍රවීණයන්ගේ සහභාගීත්වයෙනි.

ලෝකය පුරා සීග්‍රයෙන් පැතිර යන කොවිඩ් 19 වසංගතය හමුවේ සන්නිවේදන කතිකාවත වැඩසටහන තාවකාලිකව සන්නිවේදන කතිකාවත වැඩසටහන පැවැත්වීම අත්හිටුවා තිබිණි. නමුත් ආදාළ සෞඛ්‍ය සෞඛ්‍ය මාරගොපදේශයන්ට යටත්ව 2020.08.18 දින එය නැවත ආරම්භ කිරීමට ශ්‍රී ලංකා පුවත්පත් මණ්ඩලය කටයුතු කරන ලදී.. මෙදින පැවැත් වූ වැඩසටහන මගින් විචාරයට ලක් වූයේ ශ්‍රී ලංකා පුවත්පත් මණ්ඩලයේ පුවත්පත් කලාව පිළිබඳ සහතික පත්‍ර පාඨමාලාවේ පළමු කණ්ඩායමේ ශිෂ්‍යයෙකු වන මනෝජ් ප්‍රසන්න විසින් රචිත “ඒ ඇස් “ කෙටි කථා සංග්‍රහයයි. ශ්‍රී ලංකා පුවත්පත් මණ්ඩලය විසින් පවත්වන පාඨමාලාවන්හි නිරතවන ශිෂ්‍යයන්ගේ නිර්මාණ ඇගයීම මගින් ඔවුන්ව දිරිමත් කිරීමද මෙම වැඩසටහනෙහි එක් අරමුණකි. මෙම අවස්ථාවට වියත් විචාරකයින් රැසක් සහභාගි විය.

ශී‍්‍ර ලංකා පුවත්පත් මණ්ඩලය මගින් සංවිධානය කරන සන්නිවේදන කථිකාවත වැඩසටහනේ තවත් එක් සාර්ථක වැඩසටහනක් ඊයේ (2019.09.17) පැවැත්විණ.

ප්‍රවීණ ගී පද රචක සුනිල් සරත් පෙරේරා මහතා විසින් රචිත ගේය පද සංකල්පනා විචාරක වැඩසටහනක් මෙවර සන්නිවේදන කතිකාවතට ඇතුළත් විය."අනෝතත්ත විල නෙළුම නෙළාලා " ලෙස නම්කර තිබු මෙම වැඩසටහනේදී ඔහු විසින් ලියන ලද ගීත කිහිපයක්ම පුළුල් විචාරයට ලක්විය. මෙරට ශ්‍රාවක ජනයා අතර අතිශයින් ජනප්‍රිය වූ අනෝතත්ත විල /ඔබ මා සමග අතිනත ගන්නා දවස/ඈ යන්න ගියා මැකිලා /ඔබ දෑසේ මුදු පහස /මගේ රටට දළදා හිමිසරණයි හා රා රා රා බොම්බියේ වැනි ගීත මෙහිදී විමර්ශනය කෙරිණි. මෙම අවස්ථාව සඳහා එතුමා ද සහභාගී වී සිටියේය.

සිංහල කවියේ කුමාරතුංග ලකුණ ....සන්නිවේදන කථිකාව වැඩසටහන 2020.03.03 වන දින ශී‍්‍ර ලංකා පාර්ලිමේන්තුවේ හිටපු කතානායක ගරු වි.ජ.මු. ලොකු බණ්ඩාර මැතිතුමාගේ ගරු සහභාගිත්වයෙන් සහ කරුණාරත්න අමරසිංහ මහතා, ජයන්ත අරවින්ද මහතා, ,බුද්ධදාස ගලප්පත්ති මහතා, සිසිර කුමාර මහගම මහතා, අනුරසිරි හෙට්ටිගේ මහතා, තිඹිරියාගම බණ්ඩාර මහතා, සුනිල් සරත් පෙරේරා මහතා, ශ්‍රීනාත් ගනේවත්ත මහතා, සුනන්ද කරුණාරත්න මහතා ,ශී‍්‍ර ලංකා පුවත්පත් මණ්ඩලයේ පුවත්පත් කොමසාරිස් නිරෝෂණ තඹවිට මහතා සහ තවත් විදවතුන්ගේ සහභාගිත්වයෙන් පැවත්විය.

ශී‍්‍ර ලංකා පුවත්පත් මණ්ඩලය මගින් සංවිධානය කරන සන්නිවේදන කථිකාවේ තවත් එක් සාර්ථක වැඩසටහනක් 2019. 09. 03 දින පැවැත්විණ ‘ මුහුණු පොතේ කවි කියවමු’ මාතෘකාව සංවාදයට ලක් කරමින් මුහුණු පොතේ ලියැවුණු කවි විචාරයට ලක්විය. මේ සඳහා කවියන් කිවිඳියන් ඇතුලු විද්වතුන් රැසක් සහභාගි විය.

පෙබරවාරි 21 වැනිදාට යෙදුණු ජාත්‍යන්තර මවු භාෂා දිනයත් ,මාර්තු 02 වැනිදාට යෙදෙන කුමරතුගු සමරුවත්,සිංහල භාෂා දිනයත් නිමිති කොටගෙන “ස්වභාෂාභිමානය සහ කුමාරතුංග මුනිදාස” නමින් මෙවර සන්නිවේදන කතිකාවත පැවැත්විය. zoom තාක්ෂණය ඔස්සේ පැවති වැඩසටහනට මහාචාර්ය රත්නසිරි අරංගල, මහාචාර්ය සඳගෝමි කෝපරහේවා හා ශ්‍රීනාත් ගනේවත්ත යන මහත්වරුන් ද සහභාගී වී සිටියහ. මේ සඳහා උනන්දුවක් දක්වන සියලු දෙනාටම ZOOM තාක්ෂණය ඔස්සේ කතිකාවතට සම්බන්ධ වීමේ අවස්ථාව ද හිමිවිය.

ප‍්‍රවීණ ගායන ශිල්පී සිසිර සේනාරත්න මහතාගේ පස්වන ගුණානුස්මරණය නිමිත්තෙන් පැවති සන්නිවේදන කතිකාවත වැඩසසටහන 2020.02.18 දින පැවත්විය.මෙම වැඩසටන මෙහෙයවන ලද්දේ පි‍්‍රයන්ත ගමගේ මහතා විසින් වන අතර මෙම උත්සවය සඳහා ශී‍්‍ර ලංකා පුවත්පත් මණ්ඩලයේ සභාපති මහින්ද පතිරණ මහතා ,සේනාරත්න මහතාගේ පුතණුවන් වන සමීර සේනාරත්න මහතා සහ දියණිය වන සුභාණි සේනාරත්න මහත්මිය සහභාගි විය.

ශී‍්‍ර ලංකා පුවත්පත් මණ්ඩලය මගින් සංවිධානය කරනු ලබන සන්නිවේදන කථිකාවත වැඩසටහනේ තවත් එක් සාර්ථක වැඩසටහනක් 2019. 08. 20 දින ශී‍්‍ර ලංකා පුවත්පත් මණ්ඩල ශ‍්‍රවනාගාරයේදී පැවැත්විණ

"ජනමාධ්‍ය ,සමාජ මාධ්‍යවල ආචාරධර්ම හා නව ප්‍රවණතා " මැයින් ZOOM තාක්ෂණය ඔස්සේ පැවැත්වුණු සන්නිවේදන කතිකාවත දෙවන වැඩසටහන 2021 පෙබරවාරි මස 16 වනදා පැවැත්විණි.ඒ ශ්‍රී ලංකා පුවත්පත් මණ්ඩලයේ දීය. මෙම වැඩසටහනට ප්‍රවීණ ජනමාධ්‍ය විචාරක හා දේශක දයා ශ්‍රී නරේන්ද්‍ර රාජපක්ෂ මහතා ද සහභාගී විය. එමෙන්ම මේ සඳහා උනන්දුවක් දක්වන සියලු දෙනාටම ZOOM තාක්ෂණය ඔස්සේ කතිකාවතට සම්බන්ධ වීමේ අවස්ථාව ද හිමිවිය.

ශී‍්‍ර ලංකා පුවත්පත් මණ්ඩලය මගින් සංවිධානය කරන සන්නිවේදන කතිකාවත වැඩසටහනේ තවත් එක් සාර්ථක වැඩසටහනක් 2020.02.05 දින පැවැත්විණ. "නිදහස හා කොළඹ කවිය" යන මතෘකාව යටතේ සංවාදයක් ශී‍්‍රනාත් ගණේවත්ත මහතා සහ දයානි ගුණරත්න මහත්මියගේ ප‍්‍රධානත්වයෙන් සහ තවත් විද්වතුන් රැසකගේ සහභාගිත්වයෙන් ඉතා සාර්ථක ලෙස පවත්වන ලදි.

ශී‍ ලංකා පුවත්පත් මණ්ඩලය මගින් සංවිධානය කරනු ලබන සන්නිවේදන කථිකාවත වැඩසටහනේ තවත් එක් සාර්ථක වැඩසටහනක් ඊයේ 2019. 08. 06 දින ශී‍්‍ර ලංකා පුවත්පත් මණ්ඩල ශ‍්‍රවනාගාරයේදී පැවැත්විණ.